Falam Khuasung ih mihlo Himdamten hmuhsuak a si zo

June 2 zann ihsin hlothok Cinmual veng ih um Salai Van Piang cu hmusal a si zo thu theih a si.

Salai Van Piang cu June 2 zaan nazi 11 hrawngah Falam khau luhnak Salai Sun Ceu Khan kiang hrawng ah hmuh netabik a siih Cinmual veng mino, Falam Mino pawl le kawhhran OBC pawl in teimak suah in an hawl hnu ah tui ni nazi 11 kiangkap ah Conbik Golf vuaknak hmun thlang ah himdamten hmuhsuak sal a si.

FMP cun “Mizaan ah OBC, Cinmual veng mino pawl le Falam Mino pawl in kan hawl rero mi Salai Van Piang cu tui ni nazi 11:00 kiangkap ah Conbik Golf vuaknak hmun thlang ah himdam ten hmuh a si zo” tiin FB ca hmai ah a tarlang.

Falam khuasung mipi į¹­anrualnak le mino, pawlkom dangdang pawl tlawmngainak ih rahsuahmi a si ih hmailam tikcucaan khalah į¹­anrualnak lungthin nei thei dingin le Falam khua mawitertu khal an si thu kan langter duhve a si.

Leave a Reply

Your email address will not be published. Required fields are marked *