Falam khuasung ah Tlawngkaitu pakhat hman um lo

Falam cu SAC ralhraang ukhruainak hnuai ih nihmaisa lam Tlawngaptum hmin cazin pek thok lam ah Chinramhuap Tlawngap tumtu tambik dinhmun ah a um nan Tlawng ong ni June 1 ahcu Tlawngkaitu an um lo tiah theih a si.

“Tlawngaptum hmin cazin pektu hnih-thum an um ko. Asinan, Tlawng ongni ah a kaitu an um lo tiah kan thei”.

“CDM tuahtu Tlawng saya/sayama hrangah thuthang theih nuam zet a si. Tlawngkaitu an um lo tikah CDM tuahman a ti khung sinsin ih amanhla cuangin kan thei” tiah CDM ih telvetu Sayama pakhat in a ti.

SAC ralhraang in rampi ukhruai thuneihnak an la hnu ah cozah Tlawng saya/sayamah tamzet cu CDM tuahnak thawn ralkap ukhruainak an do ve.

Cazirhtuding Saya/Sayama an mal tikah SAC ralhraang cun zirsang tuklo Tlawng Saya/sayama thar laakin cazirhtuding mithar an la nan hmun ṭhenkhat ih saya/sayama pawl cu ca ngan thiam ṭhiṭha lo khal an um tiah thuthang a suak.

Cuvek dinhmun ah fale tlawngaplo cu adikmi a si hlei ah fale Tlawng aplo cu Dothlen cangvaihnak pakhat a si ve tiah CDM tuahtu Sayama cun a ti.

Rampumhuap Tlawng ong ni ah Tlawngkaitu hnih-thum an um nan Tlawngkaitu umlonak penghuap pumhlum khal an um tiah theih a si.

Leave a Reply

Your email address will not be published. Required fields are marked *