Falam khuapi karh Project inn-hmun zem ding UPDATE thar

Falam khuanu/pa cun mipi authawm ngai sakin Falam khuakarh project inn hmun zem ding thu hla ah inn-hmun man ṭhum deuh dingin Chinram Acozah hnen ah an dil tum thu theih a si.

Tuhlan ahcu Falam Lailun Veng ih inn hmun phorhsuah mi pawl cu Class A ah ting 30, Class B ah ting 20, Class C ah ting 10 ti`n a man relcat mi a si nan, tu ah, Falam khuanu/pa cun mipi authawm ngai sakin inn hmun Class A ah ting 20, Class B ting 10, Class C ting 5 ti`n Chinram cozah hnen ah a man ṭhum hram dingin an dil tum mi a si.

Hih thuhla cu Falam khuanu/pa meeting nei nakah relsuak a siih, vote nak an nei hnu ah mipum 14 in inn hmun man ṭhum ding an lungkim ruangah tuvekin Chinram cozah hnen ah an dil tumnak a si.

Asinan himi thuhla ah mipi lam khalin kan theithiam ding mi a um ih cu pawl cu ..
1) Innhmun man ti silo in tidai, meisa, le lamziin tuahthatnak hrang ih fund dingah a tuvek in Class then in a man tuahnak san a si.

2)Hih pekmi pawl cu Myanmar Economic Bank (MEB) ah thun dingmi a si ih Chaland (voucher) lawng committee hnen ih pek ding a si.

3)Procedure thlun in tuahmi a sivek in Acozah Thingram Zung (Central) ah acre 1400 luan man (acre khat tingkhat ziin in) kyat ting 1400 luan pek a tul tengteng mi a si. Cuhlei ah VFV Land law vek in ram a zapi hrang dilman Kyat ting 261 lenglo a tulmi cu MP Pu Zung Hlei Thang in a rak pek sungmi, kualsal tulmi dingmun a si (a tithazet tiah kan lawm cio). Cuhlei ah CM Pu Lian Luai cun Acozah lam ihsin Thingram Zung ih pek dingmi Kyat ting 1400 luan cu Chinram acozah in tuanvo lak in an tawlrel ding tiah tuanvo neitu in in sim. Kan CM tlun ah kan Lungawizet cio. Cumi siarlo a dang tulsamnak hrangah hitin sumpai man khiahnak a si.

4) Mipi in a man a tam deuh ti ih au aw ruangah mipi zawnruat in a man pawl thum dingah rualrelmi a si ih a tuantu hrangah hnatuan dan cu a harsat phahzet ding ( Fund neicia in tuanmi a silo ruangah).

5) Hih lairelnak cu a tui Innhmun 247 hrang lawngah a si ih hmunhma dang on a si tikah cun a tuldan vek in a man khiahsal ding a si.

ref:Thawng Bik FB cahmai

Leave a Reply

Your email address will not be published. Required fields are marked *