Falam Khuapi cu Dorallian pahnih nei ah kan cang

Falam khuapi cu SAC ralhraang ukhruainak hnuai ah himlo zetin a um hlei ah May thlalai hrawngin Covid 19 nat a karh ciamco sal tikah ralhraang le Covid thawn Dorallian pahnih nei ah kan cang.

SAC rahraang in February 1 ih kumpi cozah thuneihnak a la hlan ahcun Falam mino le Covid – 19 Falam Volunteer kaihruainak thawngin kan khuapi kan kil neh zet ih Aung San Suu Kyi hnen in Sunlawih capi tiang kan rak dong ban.

Rampi buai thokin SAC ralhraang in ukhruai thuneihnak a la hnu cun thudik lam ah dingin ralkap ukhruainak dotu mino tamzet cun himnak hawlin khuapi an suahsan tikah Falam khuapi cu nat hrik lakah a himlo sutsi in a lang.

Falam khuasung ah ṭumhnihnak Covid 19 mina hmuhsuah hmaisabik ni cu May 20 ah a si ih cuih ṭum ah natkhamsii dawt zotu telin Covid mina 4 hmuahsuah a si ih, May 21 khalah nat nei thar 2 hmuhsuah belh an si.

Cuih ṭum ta mina dam sal zo khal an um nan June 1 le 2 ah Covid mina thar 10 hmuhsuah bet a si hlei ah besia zet mina 1 cun June 2 ah mual in liam san a si.

Cuvek dinhmun kan si ruangah ṭul tuk lo ahcun suak vak lo dingin le suak vak tik khalah mask bun tengteng ding, kut kholh teima ding, Covid nat pian hmang vekih damlotu cun Siizung lam ah nat check lohli ding, mibur in um lo ding … ti`n nasaten thuthannak an nei a si.

Leave a Reply

Your email address will not be published. Required fields are marked *