Falam Khuapi ah Christmas Rim A Nam Thok
December thla kan thleng zik thlang ih leitlun hmuntinkim ah Christmas rim nam dingin mah umnak hmunram cio ceimawi thok a si thlang.
Falam khuapi khal, Christmas rim nam dingin tualsungum mino pawl in khuasung ceimawinak an nei thok thlang ih, abikin Falam khualiafang ih Nithawng buuk, Cinmual Bii Khun Lan ih ziinṭek le Veiw point pawl cu ceimawi an tum vivo a si.
Hmunṭhenkhat cu tuizarh sungin an ceimawi thok ih duhthusam rorin mawiful dingin an ceimawi vivo tum tiah thuthang kan thei.
November 26 : Falam mino pawl in Khualai Nithawngbuuk ceimawinak an nei lai …..
November 27 khal ah Falam Mino Pawlkom hoha nakin viewpoint ceimawinak an nei ih thaisun lam khal ah ceimawi peh vivo an tum thu theih a si.
Falam tualsungum mino pakhat cun “Khuahlan vekih Farkung hau tahrat ih ceimawinak kan bansan zo. Tuih kan ceimawidan cu eco friendly a siih a ra lai ding tikcu caan khalah Farkung hau bansan in a himmi ceimawinak thawn Falam khuapi kan thuamtum vivo a si” ti`n FOM hnen ah a sim.
