Falam Khua Nu/Pa hnen ih CaKuat

February 1 zing ih rampi thuneihnak latu ralkap cozah cu mino tamsawn in nasaten kan do ih Leicaar Dangcaar le Kena cingcingawl phah in kan tha neihsun kan hmang.

Rampihuap khuatin ih cangvaihnak an nei bangin kan nih khal ralkap buanthluk tumin cangvaihnak kan nei ve.

Cumiah, Rampihuap simlo Chinram kulh sungih kan kiangkap khua pawl ahcun pitar putar te khalin lamzawh duhphorhnak ah theilo cingten an telpi ve.

Khuadang mino ṭhenkhat in “nan nih Falam teh kum upa le ramkhel rinsantlak ṭhenkhat hmuh ding an va um lo ve” tiih in vun sut hi cun hmai hmuah a sen thei thluh riangri.

CDM zawng khalin kiangkap kan khua hnen ahcun zung pumpihlum rorin cangvaihnak nasaten an nei. Kan nih hmuah, CDM ih telpi dingin kan vun sawm tikah an tel duhlo hluan ah tuah ṭul lo tukmi titiang in kanmah riangri in mawhsiat.

Hi pawl hi khua nu/pa pawlin in nawrpi thei uhla an taw a zang deuh men ding tiah kan zum. Curuangah lamziin zawh duhphorhnak ih intelpi theilo hman ah CDM ih tel duhlo zung hnaṭuan pawl hi in nawr bawm dingin zangfah kan lo dil a si.

Tualsungum Falam duhdawttu

Leave a Reply

Your email address will not be published. Required fields are marked *