Falam khua Lut/Suak nak Gate pahnih ah an Duty nawn lo ding

Covid 19 boruak ruangah Falam khua luh/suaknak ihsin gate pahnih tuah in, mi lut/suaktu zohfelnak an rak nei ṭheu mi cu July 19 ihsin an tuah nawn lo tiah theih a si.

Covid 19 lak ihsin Falam khua a him theinak dingah khawsung luh/suahnak Lungpi ah gate pakhat, Kalay lam ihsin Falam khua luhnak, Cinmual ih Sun Ceu khaan ah gate pakhat tiin khawsung lut/suaktu rak kil ṭheu a si nan tu ah cun, cuih gate pahnih ihsin mi lut/suak an bawh nawnloding a si.

Rampi cozah tawlrelnak in ramleeeng ihsin tlungtu pawl lawng Quarantine lutter a si ruangah Falam lut/suak nak ihsin kiltu pawl ih thazang tenren in an duty nawn lomi a si.

Falam khuasung ih ṭuanvonei pakhat cun,” Falam khuasung ah ramleeng ihsin a tlungtu pawl cu ṭuanvo neitu pawl hnen ah simthei tengteng dingin phuang a rak si zo ih veng sung ṭuanvo neitu pawl thawn pehtlaih in hmalaak ding a si thlang” tiah a sim.

Ramleeng ihsin ra tlung hnu, Ni 21 sung Quarantine ih um hrih lotu pawl cu Falam an thlen tikah Quarantine lut tengteng ding an siih Daan a pahbaltu pawl cu a malbik thla 3 thawngthlak an si ding tiah theih a si.

ref:CH daily news

Leave a Reply

Your email address will not be published. Required fields are marked *