Falam khawsung ah Ralhraang ralkap pawl mah le mah kap aw that

CNO/CNDF thusuahnak thawngin 2022, June 17, zaan nazi 10 hrawngah Falam khawsung ah ralhraang ralkap pawl mah le mah an kap that aw tiah theih a si.

Tlanglo veng, အ.ထ.က 3 Tlawnginn ih humvennak ṭuanvo latu ralhraang ralkap pawl mah le mah an kap aw ih a hmun rori ah ralhraang ralkap pakhat a thi.

Mah le mah an kap aw mi cu mipi ralkap pawl thawn doawknak suak vek phungpha in kiangkap naivai an kap ciam co ti a si ih, Vankau Tlang lam khalin ralthumtum thawn an kap bawm bet. Thawmvang a ring zet ih Khawsung mipi an ti thinphang thluh.

Siarcih :

Falam Tlawngta nauhak hringhro thu ah CNO/CNDF in thu felfai relfiang

Ralhraang ralkap in duhduh in meithal an kap ciamco ruangah mawh neilo Khawmi pakhat in a kut ah hriam a pu hlei ah Baila khua ih inn pakhat khal a siat tiah theih a si.

Cuihtlunah June 19 khalah san nei loin Vankau Tlang ihsin ralthuamtum voi 5 hrawng an kap ti a si ih, hivek cangvaihnak an tuah nak san cu CNO/CNDF le mipi karlak hmuaw thiamlo beisei in an tuah hrim mi a si tiah CNO/CNDF in June 20 ah thu a suah a si.

Leave a Reply

Your email address will not be published. Required fields are marked *