Falam Khawpi Laili ah Inn 6 a kangral

January 12, 2021 zinglam nazi 3 luan hrawng in Falam khawpi Laili, Laansone kiang ah meisa a kang tiah theih a si.

Pu Kiam Si inn, Pu Zaw Tun inn, Pi Mang Hlei Zing inn, Nu Pen inn, Pu Biak Vum inn, Sayama Thiam te tei’ inn 6 pawl a kaangral ih Pu Tawi tei’ inn, Pu Khaw Lian Pum tei’ dawr le uu Ciin te tei’ inn pawl an ṭhiat.

“Zinglamri ih ka ṭhang cu ni a suak zikzo ah ka ruat. Nazi ka vun zoh cu 4 lawng a si lai. Innleng ka suak lawng ah meisa a kang mi ka hmu. Kan inn kiangpa thawn kan va tlan lohli ih meiphal le innṭhiat in ṭan kan la. Raapthlak um nasa.”

“A hmun kan va thleng cu meithat mawṭaw pawl khal an rak um zo. Kiangkap naivai ih um cu mei kah ding phang ah innsung bungrua ṭhin khal an rak um. Tui` kum hi Phiang kum a si ruangah hivek vanduainak a suak khal si pei maw ti`n u pa pawl in an rel phah rero” tiah Falam tluntaziin veng ih um mipakhat in FOM hnen ah a sim.

Meisa cu meithat pawl le tualsung mi pawl in zinglam nazi 5 luan hrawng ah an phal thei ih tu hrih tiang cu mithi an um lo tiah theih a si.

Leave a Reply

Your email address will not be published. Required fields are marked *