Falam-Kalay karlak ah mithiruak pahnih an hmu

Falam le Kalay karlak ih um Tuphei khua ah SAC ralhraang pawl ih that tami miruak pahnih an hmu tiah Chinram hriamkaibu pakhat ih ṭuanvoneitu cun a Facebook cahmai ah a tarlang.

Bomb an kam ding phan a um ruangah zohman in miruak an neih ngam hrih lo ih mithitu zopawl an si timi khal theih fiang a si hrih lo tiah a ngan.

SAC ralhraang pawl cu October 9 ihsin a rualrual in Laitlang lam an pan ih Lamziin tluan ah meithal an kap phah vivo ruangah Lo ih hnaṭuan lai mipakhat khal an rak kap ngah zo.

Lamziintluan ah duhsahin khuami pawl ih ṭilva an lak sak ih, Lumbang khua an thlen khalah ei-in ding le bungbel ṭhenkhat an fir sak tiah kan thei.

Lumbang ihsin Falam ah an lut ih, October 13 zinglam ah tank pahnih telin mawṭaw 10 hrawng thawn Hakha ziin lam ah an feh tiah theih a si.

Siarbet : Falam penghuap mipi ralrinpek an si

Falam penghuap mipi ralrinpek an si

Leave a Reply

Your email address will not be published. Required fields are marked *