Falam : July 30 ah Covid 19 mithi 1 Vuiliam

Falam khuapi, Farțhawk vengih um Pu Lian Zam @ Zama (kum 55) in July 30 zinglam nazi 5:30 ah in cemsan ih Volunteer pawl le kawhhran țuanvo nei pawl in Laampa thlanmual ah an vuiliam a si.

Pu Lian Zam cu Falam ih kanpabik pakhat a simi Pu Kap Dun fapa a siih a pa khalin July 18 ah in rak cemsan zo a si.

Falam Covid 19 mina dinhmun

July 30 ih Covid nat check mi mipum 39 ah positive mina thar 11 an um ih, June 1 ihsin July 30 tiangah positive mipum 482 an um zo. (July 30 ah Covid mithi 1 a um ih Siizung um mipum 45 an si.)

Falam khuasung ihsin Covid nat nak thawn in cem santu mipum 37 le Laikhua lam ihsin mi 4 an thi zo ih penghuap in Covid 19 mithi 41 an um thlang a si.

Covid ruangih in cem santu pawl cu – June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44),July 2 ah Pu Hung Hleih (kum 46), July 5 ah Pu Thang Lam Kim (kum 40), July 7 ah Pu Martin Hniar Cung (kum 72), July 9 ah Rev. Philip Tlei Thuan (kum 63) le Pu No Lian Sang (kum 73), July 10 ah Pu Ronald Ci Hem (kum 75), July 11 ah Pi Thian Vel (kum 55) le Rev. D. Vai Lian Zul (kum 50), July 12 ah Salai Cin Sum Bik (kum 29) le Pu Anselm Vung Suan Kham (kum 64), July 14 ah Pi Aye Sui (kum 50),July 15 ah Pi Sui Par (kum 70), July 16 ah Pi Țuan Kai (kum 63) le Pu Hai Hlei Thuan (kum 75), July 17 ah Pu Mang Tho (kum 60) le Pu Hniar Kung (kum 84), July 18 ah Pu Kap Dun (kum 93), July 20 ah Pi Tai Len (kum 90), July 21 ah Pi Fung Thluai (kum 76), July 22 ah Pu Hrin Cung (kum 59), July 24 ah Rev. Run Ro Hngak (kum 58), July 30 ah Pu Lian Zam (kum 55) pawl an si.(CH)

Leave a Reply

Your email address will not be published. Required fields are marked *