Falam innkangnak hmun thianfainak an nei + Meithat zungbawi Annka

2021, January 12 ih Falam, Farṭhawk veng innkang hmun cu Falam cozah ṭuanvonei pawl in January 13 zing ah thianfainak an nei.

Falam GAD (General Administration Department), Meithat, Siipin le Palik hohanak in an thianfai mi a si ih January 13, zinglam nazi 9 in an ṭuan thok.

“January 12 zing ih innkang neh pawl thainfainak kan nei. Hivekin mipi hrang ah ṭhathnem hmalak neinak ih kan tel thei ve hi kan di a riam zet” tiah Falam palikzung ṭuanvonei U Ting Zaw in a sim.

Falam, Farṭhawk veng ih innkang ah mipahnih mual an liam ih inn 6 a kangral.

Innkang thu thawn pehpar in Falam meithat bawi ဦးစာရုံမန်း in “thu ka cah duh mi cu Falam khuasung inn tin ah meithat zung phone number nei cio ding hi a si. Cuhleiah ṭul poimawh caan ih hmantheih lohli dingin inn tin ah meithatnak bur (fire extinguisher) kan ret aw cio a ṭul.”

“Cun, Laitlang ih inn a kang tikah mithi an um ṭheu timi kan hmu thei. Thih le hloh um ṭheu nak cu innsung lutsuaknak sangka ruangah a si. Tuiṭum vansiattongtu khal hin inntang suaknak sangka lawng a nei. Tlun lam ah suaknak sangka a um lo. Curuangah tuiṭum thil thleng hi zirnak ah hmanghram uh si” a ti. (Information and Public Relations Department, Falam)

Leave a Reply

Your email address will not be published. Required fields are marked *