Falam innkang thok dan le Sunral zat

Falam : Kum 2021, January 12, zinglam nazi 3 luan hrawng ih innkang thuthawn pehpar in Falam palikzung lam in kangmei suak thok dan phuangsuaknak an nei tiah IPRD Falam in a tarlang ih innkang nak san cu meihlum ainak heater ihsin a si tiah an tarlang.

Kangmei suak thokdan an tarlang mi ah Falam, Farthawk veng ih um Nu Mang Hlei Zing cu meihlum ainak heater ongta in a it ih heater sat luan nak in kang mei a suak thok tiah an ngan.

Meikang ruangah inn neitu Nu Mang Hlei Zing (kum 69) le a umpi Nu Rah Zing (42) nunnak a liam ih biakinn pakhat telin inn 6 a kang a si.

Vansiattong innsang pawl cu sungkhat naivai hnen ah finter hrih in an um ih meikang ruangih sungralmi cu kyat ting 85 man hrawng a si tiah IPRD Falam in a tarlang.

Mualliam Nu Mang Hlei Zing le a umpi Nu Rah Zing ruak cu FBA Hall ah ret hrih an si ih January 12, zaanlam nazi 3 ah hunserh hmangin Lampa thlanmual ah ruak vuinak an nei ding tiah theih a si.

Leave a Reply

Your email address will not be published. Required fields are marked *