Falam innkaangnak hmunram pawl thianfai

March 6 zaan ih Lampa veng innkaangnak hmunram pawl cu tualsungum mipi in tlawmngai suah in an thianfai tiah theih a si.

Innteek pakhat cun “Mang bang van sang ih kan um Lai caan ah nan thazang nan nihlawh bang zet ih in bawm tu pawl le motor in rak thawk tu pawl nan hnen ah lungawi thu kan lo sim. Pathian in mi bawm tu si ringring dingin thlawsuah lo pek hai hram seh” tiah a ti.

zuk – Bingbipar Laisak
video – Ngaite Nu

Siarbet : Falam Inn urkaang tum tiih puhmi mi 3 cu CCTV in a zuk ngah

March 5 zaan ih Falam khuasung inn urkaang tumtu tiih puhmi, CCTV thawn an zuk ngahmi mawṭaw cycle tolai mi 3 screen shot zuk cu online ah a darh.

Mawṭaw cycle to mi 3 cun khawsung inn 3 rori an urkaang tum ti a si ih, ziinan thawn an urkaang tum tiah tualsungum pawl cun an rel.

“Zo an si ti cu kan sim ciang thei hrih lo. Inn an ur tum nak kiangkap um pawl cun Falam ṭong thawn an biakaw awn kan thei ti`n an rel. Mi 3 pawl cu CCTV in a zuk ngah nan atu tiang an kai thei hrih lo” tiah tualsungum mipakhat cun a rel.

March 5 zaan ih cangvaihnak cu an hlawh sam nan tualsungum mipi cu thlaphang in an um.

Inn dang teh an urkaang pang pei maw ti`n khawmi pawl zaan it thei loin an um lai ah March 6 ah Falam-Rih ziin ih inn pakhat a kaang hlei ah zaanṭim ah Lampa veng inn 3 a kaang bet a si.

Cuih innkaang cu khawsung ih inn ur tumtu cangvaihnak a si thei tiah khawmi pawl in an zum deuh ih, cangvaihnak dang an nei bet hlan ah kai thei lohli an beisei a si.

Leave a Reply

Your email address will not be published. Required fields are marked *