Falam inn-hmun zem ding thu ah C. Zamual mipi Lung Awi Lo

Falam khuapi karh project thawn peh par in July 20, meeting nakih thuthluknak an tuah mi par ah C. Zamual mipi an lung awi lo.

July 20 ah CM Pu Salai Lian Luai, Municipal minister Pu Soe Htet le Falam khuapi karh project ṭuanvo neitu meeting an nei ih, cuih meeting ih thuthluknak an tuah mi ah “innhmun pek ding mi loram neitu Sunthla khua le C. Zamual pawl cu a lak in inhmun 10 veve pek ding in an rel.

Cukhalcu camcawhfung zuuk ter an si dingih a zuuk fuhtu in paisa pek ṭul loin innhmun a nei lan ta ding an ti.

Cumi thu thawn pehpar in C. Zamual khua upa Pu Co Lain cun, “kan leiram cozah in, in dil lai ah kan khua mipi zate hrangah innhmun pakhat cio in pek dingin kan dil ih cuti`n leiram siannak kan rak pekmi a si.”

“Atu cu innhmun 10 lawng camcawhfung zuuk in, in pek tum tivek a si tikah kan lung awi lo. Kan khua innkhi 50 luan in kanmai` ram ah innhmun 1 cio cu co tlaak kan si ti`n kan ruat. Mahte lei ding in cu a malbik ting 10 man hman kannih cun kan lei thei lo ding ruangah tlunlam ah ca kan thunlut saal ding ” a ti.

ref : CH daily news
photo : IPRD Falam

Leave a Reply

Your email address will not be published. Required fields are marked *