Falam inn 6 kangral mi ah Dawr 10 a tel ih Dawr thil man sunral zat

Kum 2021, January 12 ih Falam, Farṭhawk veng inn 6 kangral mi ah dawr 10 le mawṭaw cawlhhmun cargate 2 a tel ih thilri sungralmi pawl cu sumpai in ting 800 lenglo man a si.

Cuih dawr 10 pawl ah ei-in thilri dawr 4, rawl dawr 1, beer dawr 1, phone dawr 1, secondhand hnipuan dawr 1, hnipuan le ceimawi awknak siidawr 1, puan ṭhit dawr 1 pawl an tel a si.

Ei-in thilri dawr pawl cu Nu Oli dawr, Ko Ko te dawr, Nu Pen dawr, Van Iang dawr pawl an si ih Nu Oli bungrua ah kyat ting 200 luan man, hnipuan le ceimawi awknak siidawr ta ah kyat ting 80-90 karlak man, MTG phone dawr ah kyat ting 30 leng man, ei-in thilri zuartu Nu Pen dawr ah kyat ting 50-100 karlak man, puan ṭhit dawr ta kyat ting 30 kiangkap man, rawl dawr ah kyat ting 100 luan man, beer dawr ah kyat ting 15 man hrawng an sungral a si.

Cargate khal ah kyat ting 15 man hrawng sungral ah ruah a si. Cukhalcu thilri kuatawmi kangral mi man pawl theihcian a si lo ih Nu Van Iang khalin kyat ting 15 man hrawng a sungral a si.

Tuhrih tiang CH ih zingzoimi ah thilri kangralmi man cu kyat ting 800 man hrawng a si ih thilri neitu in ciang zetih a sim thei lo mi le secondhand dawr sung ih bungrua man pawl theihcian a si hrih lo. (Chinland Herald Daily News)

Leave a Reply

Your email address will not be published. Required fields are marked *