Falam In-Ti Lak Nak Pipe Siat nak hmun ah Lei a Min Bet

Falam in-ti pipe line pibik siat mi cu rem ṭha rero a si ih an rem lai ah Lei a tawlh cingcing ruangah hnaṭuan pawl in hrasatnak an tong thu theih a si.

Laiva ihsin Falam hrang ih in-ti laknak pipe line pibik cu September 4 zaan, Ṭal le Thlanrawn karlak lei min in a hrutsiat ih Falam siipin le tidai laknak tawlreltu company in an rem ṭha rero lai ah hivekin harsatnak an tong mi a si.

Hih thuthawn pehpar in Falam Siipin bawi Pu Dar Lian Uk cun, “Laiva pipe line siat mi cu zarhkhat sung lai remṭha hna kan ṭuan rero nan Leilung a tawlh cingcing ruangah duh vekin kan ṭuan zamrang ngam lo. Lei ciim bet loin kan tuah tluang a si le nithum hrawng kan rei lai ding. Curuangah, Falam mipi in, in theithiam hram dingin zangfah kan lo dil” tiah a sim.

Hih leimin cu pee 100 sang in pee 80 hrawng a kau ih Falam in-ti laknak pipe line pee 80 hrawng a hrut siat.

Minung thahrum lawng ih remtheihci a si lo ruangah September 8 ihsin Lei nawr/huat motor pahnih thawn ṭuan pehzom dingin ṭan an laak thok thu theih a si.

zuk:Falam Siipin

Leave a Reply

Your email address will not be published. Required fields are marked *

error: hahahahahaha !!