Falam ihsin Rampi hrilawnak ih vote thlak thei tuding Hmin phorhsuak

Myanmar : Rampi hrilaw ni a nai vivo thlang ih Myanmar ramsung hmun tamzet ah ṭuanvo neitu pawl in tiimlaamnak an nei thok rero ih, Falam khuapi khal in November 8, rampi hrilaw ni hrangah tiimlaamnak a nei ve thok.

Ṭuanvo neitu pawl in Falam tlangkulh ihsin rampi hrilawnak hrangih vote thlak thei cin hmin pawl phorhsuahnak an nei ih cuih hmin pawl cu Falam khuasung veng 8, Zung 29 le khuate 84 hmun pawl ah zoh theih a siih, vote thlak nakding hmun cu a zaten 140 phorhsuak hrih a si.

Vote thlak tuding hmin phorhsuak thu thawn pehpar in election commission ṭuanvonei pakhat cun, “Central lam in rampi hrilawding ni cu November 8 a si ti`n a phuang zo ih, kan nih, Falam khalah hrilawnak ih vote thlak thei cin hmin pawl phorsuahnak, tu ni ah kan nei. Voke thlak tuding hmin pawl cu 25/7/2020 ah kan tar thok ih 7/8/2020 tiang, ni 14 sung kan tar ding.”

Mipi lam in khuasung/khuate hrilawnak commission zungṭek pawl ah nan hmin a tel maw tello zoh cio dingin zangfah kan lo dil. Vote thlak tuding hmin pawl ah ngan sual mi, hmin tello tivek buainak neuhneuh a um a si le ṭuanvo neitu pawl hnen ah simthan uhla a ṭha thei bikin an lo bawm ding a si” a ti.

November, rampi hrilaw ding hrangah Falam khuasung ah vote thlaknak zung 169 hrilzo a si ih vote thlak tuding mipi 39280 an kim a si.

ref & photo : IPRD Falam

Leave a Reply

Your email address will not be published. Required fields are marked *