Falam ih Inn neilo pawl hrang innhmun 731 phorhsuak, Cozah ṭuanvoneitu in Tawlrel ding

Cinmual le Tlanglo veng ih municiple karhbetnak dingah innhmun 731 phorhsuak in, inn neilotu pawl hrang cozah ṭuanvoneitu pawl in an tawlrelsaktum a si. July 1 ah Falam khawkarh project meeting an tuah ih innhmun pek theidan ding relnak an nei.

Falam khua nu khua pa hotu Pu Hrang Lawm cun “leiramtah zungin innhmun 731 hrang hmunhma an hawl suakmi a um ih A,B,C,D tin ṭhen dingah kan rel.

Cutin ṭhen li ah ṭhenin cipciarten hmunhma zoh dingah group 4 din a siih a tu ah a hmun ah zohfelnak an nei dingih an hmusuakmi par ihsin ziangtin tawlrel a si ding tin relsaal leh a si ding” tiin a sim.

Atui` innhmun phorhsuak dingmi pawl cu Falam khawpi karh project ih vengthar 3 sungah siloin Cinmual veng ih meithatzung luan lam le Tlanglo veng ih datsi zuarnak hmun ihsin khawpi helziin pawl ah a si ding.

Falam municiple hotu Pu Dar Lian Uk cun “veng thar ih innhmun phount ding ahcun tuahṭulmi pawl a tang hrih ruangah veng hlun sungih municiple area karhnakhmun pawl ah tawlrel sungmi a si” tiah a sim ve.

Zalai, Lailun le Lungpi veng pawl ih innhmun phuant thei ding ahcun thingramzung ih leilung pawl le adang leilung pawl hman thei nakding hrangah zaangna domnak tin Ting 1400 kyat luan bawmnak pekding khal a tang hrih tiah theih a si.

Municiple committee hotu cun “leiramazung in innhmun 731 hrang tawlrel a ngah ding an ti nan cunah hmun pawl ah inn pawl a um thluh ngaingai a si le tlawnginn le bazaar thawn a hlatawtukding ruangah tlawnginn hmun le bazaar hrang khal zoh a ṭul ding ih innsak nakding hrang ahcun cuhnakin a mal leh tla a si thei tiah a sim.

Atuah, group 4 pawl in a hmun ah leilung tahnak pawl an nei rero laifang a si ih July 15 ah an hmusuak mi pawl zohsalnak nei dingin meeting an ko tiah theih a si.

July 15 ih meeting ṭhehhnu lawngah innhmun dilnak form pawl an ko dingih tuhlan ih innhmun dilmi pawl cu zohsaknawnlo in a tui a dilthartu pawl hrangah zohsak a si ding.

CH daily news

Leave a Reply

Your email address will not be published. Required fields are marked *