Falam ih rinsantlak Upa pathum in Ralkap hnaṭuan sawmnak Cohlang Lo

Kawl ralkap in rampi cozah thuneihnak a la hnu ih a din suahmi Chinram cozah thar Chin State Administration Council ah tel dingih hnaṭuan sawmmi hi kan Chin mi lak ah an tam phah zo.

Cumi ah, tuhrihtiang khuatlang mipi theih ding ih thanaw mi hnaṭuan sawmnak dongtu Falam mi upa rinsantlak mipali an um zo.

Hmaisabik i ralkap hnaṭuan sawmnak dongtu cu Falam peng, Lumte khawsuak Pu Terence San Mawi Nikhuai a siih cozah thar i hnaṭuan sawmmi Chin State Administration Council Chairman sinak cu a rak cohlang.

2021, February 3 in Chin State Administration Council Chairman a țuan thok ih ralkap uknak hnuai i sinak thar a cohlang hnu February 11 ah vansiatthlak zetin lungphu cawl in a thi.

Ralkap uknak council ah tel pi ding i sawmnak dongtu Falam mi midang pathum cu Pu Run Herh, Pu Mang Lian le Pu Biak To te pawl an si ih an pathum ten ralkap pawl ih hnaṭuan sawmnak cu an cohlang duhlo tiah theih a si.

Ralkap hnaṭuan sawmnak cohlang duhlotu Pu Run Herh, Pu Mang Lian le Pu Biak To thu ah “khua le ram ruat in, te le fa hrang thaapaw in ralhruang tthapi thawn in dinpi mi parah Falam mipi in kan lo upat , kan lo rinsan” tiah Falam mipi in suanso sunloih upatnak an pe a si.

Leave a Reply

Your email address will not be published. Required fields are marked *