Falam ih Kaihkhih tuar kan unau 3 dinhmun

Falam ih kan uu, kan nau kaihkhih a tuar tu pawl thu thawn pehpar aw in,
Thawng inn ih a to tu pawl:

Salai………….Kum (24)
Pa…….Kum (34)
Pa……Kum (54)

February 28, Falam ih kaihkhih tuar mi 3 Thuṭhen zung thlen ih an khiing nak Pukmah – Penal Code Section 505-a

Tuṭum kan uu, kan nau Thuṭhen zung ih khiing a tuar tu pawl hi March 11, 2021 tiang, Vuanthok Thuṭhen zung ah voi (3) fehpi zo an si ih March 11, 2021 ni ah an dam lo nak pawl sirhsan in အာမခံ dil a si na’n thu/daan phunphun ruangah အာမခံ theih mi sung ah a lut famkim thei tawk lo ruangah အာမခံ ih suak ding hrang hnawl sak kan tong.

Tuhrihtiang Vuanthok Thuṭhen zung ih feh bet ding ni an khiak mi ni pawl cu March 18, 25 le April 1, 8 ni pawl an si (Hi ni pawl ah zoi-hnit nak citintian tuah ding a si).

Falam Vuanthok Thuṭhen zung ih Thuṭhentu Bawi nih tu hrih tiang in tuah sak thei mi cu a rang thei bik in Zoi-hnit nak ni pawl, zarh tin ih tuah ding ah in khiak sak mi a si.

Penal Code S. 505-a hi Sumpai cawhkuan a si lo le Thawng kum (3) tiang tla thei mi cawhkuan a si lo le Sumpai cawhkuan le Thawng kum (3) tiang tlak thei mi cawhkuan a pahnih te’n thu hla rel cat sak thei mi a si. Tu hrih ahcun Sumpai cawhkuan a si lo le Sumpai tamtuk lo mi cawhkuan in cem thei hram seh tiah zuam rero a si.

Tuṭum kan uu, kan nau thawng inn ih a to tu pawl hrang ah Kalay Myo ih a um mi Shih-ni (Lawyer) Pa No Hmung, Tv. Ko Ko Ṭa, Pa Myo Min Htun le Pa Aung Min Htun te pawl cu bom nak kan dil ih in el siang lo tlun ah a lak rori in Shih-ni in ṭuan sak ruang ah kan lung a awi tuk (A bik in Pa No Hmung). Kalay ih si’n an hung soh nak lam caw man le tekrek man lawng cem liam a ṭul hrih.

Tuṭum kan thil ton mi pawl tawlrelnak ah a thok te in thei tawk suah ih tawlrel hna a ṭuantu Falam Christian Minister Fellowship (Falam khuasung kohhran tin ih Pastor pawl hnaṭuan tlang nak pawlkom), Bulpak in Salai Ngepi Thian Uk Thang tlun ah siseh, thil ṭul mi cangvaih nak hrang sumpai a ṭul mi pawl, kaihkhih a tuartu inn sang tin cio lam ih kuan liam ṭul lo te’n in pek hlan tu Chin Baptist Convention (Ting 25) tlun ah siseh, hi thu hla ngan nak ding hrang ih thuron ih pe tu pawl tlun ah siseh le hmunkip ih thei tawk suah ih a khurh-awm tu pawl tlun ah lungawi nak a zual.

Hmailam cangvaih vivo nak hrang CBC (A hlan ZBC) ih in hlan mi sumpai in a deih lo pang a si len (Cawhkuan sumpai le a dang a ra lai ding mi hrang) ca siar tu rinsan mi nang: zangfah te’n na thinlung sung ah hi thu hi in rak ret sak cia hram aw.

Hmailam kan ke kar vivo nak ding hrang thlacam nak thawn in mang cio hram uh ti ih zangfah lo dil phah in,

Salai Siang Cung Luai
Farṭhawk veng, Falam
March 13, 2021

Hminsin : Ca a sau deuh ruangah atawi zawngin kan tarlang. Kimciang in hinah na siar theiFalam ih kan uu, kan nau kaihkhih a tuar tu pawl thu thawn pehpar aw in,

Leave a Reply

Your email address will not be published. Required fields are marked *