Falam ih Covid 19 namhnget mina thuthang UPDATE

Falam ah Covid 19 namhnget mina pali um zo thu cu Falam Siibawipi Dr. Tluang Cung Thang in mizaan October 17 ah tlangthannak a nei.

Hih thuthawn pehpar in mipi lakah a diklomi thuthang phunphun a leng ruangah Covid 19 mina thar thawn pehpar mi thuhla pawl cu Chin program MRTV hotu Mai Bingbipar Laisak in a mai` bulpak Facebook cahmai ah simfiahnak ca a ngan.

Cumi simfiahnak vek a si le Covid 19 namhnget mina thar pahnih cu India ram ihsin ra tlung mi Lungpi Cinthlak Tlaawng ih Quarantine luttu an si ih a pathumnak mina cu Kaankaw ihsin ra mi Election hrang tuanvo pekmi Tlaawng sayamah pakhat a si.

Namhnget mina Sayamah ih innsang pa le a fanu kumkhat luan khal mina tuamhlawmnak Isolation Ward ah kilkhawi an si ih Lungpi Quarantine Center ta rinhleh mina thawn, an zaten 7 an um a si.

Falam khuasung ih Covid 19 mina hmuhmaisabik, October 9 mina tel in 17 October tiang Falam ah Covid 19 namhnget mina 4 an um zo a si.

Leave a Reply

Your email address will not be published. Required fields are marked *