Falam ih Covid 19 mina pakhat in Damcakten Siizung suahsan +Tufang Falam Dinhmun

Tuizing November 23 ah Falam Siizungpi ih tuamhlawn mi Covid 19 mina pakhat cun rampi Harhdamzung theihpinak thawn damcak zetin Siizung a suah san a si.

Amah hi Kuak company ih hnaṭuan a si ih November 9 ah a rualpa thawn kuak zuar dingin Laitlang lam pan in an so.

Falam khua luhnak, Sun Ceu Khan luan ih Harhdamnak check gate ah Covid 19 nat nei le neilo test nak an nei hnu ah a taksa par ih nathrik hmuhsuak a si ruangah Falam Siizungpi ah tuamhlawm lohli dingin an kuat cih. Arualpa cu a negative nan natneitu kiangkap naivai ih um a si ruangah Lungpi Quarantine center ah ṭuanvoneitu pawl in an kuat cih.

Cutin, Falam Siizungpi ah ni 14 sung tuamhlawm a si hnu ah tuizing November 23 ah Harhdamzung theihpinak thawn damcak zetin Siizung a suah san a si.

November 9-19 karlak ah Falam ah Covid 19 mina 4 hmuhsuah a siih, November 9 ih nathriknei hmuhsuah mi in tuizing November 23 ah damcak zetin Siizungpi a suahsan zo ruangah, atufang Falam Siizungpi ah Covid 19 mina 3 an um a si.
(IPRD Falam)

Leave a Reply

Your email address will not be published. Required fields are marked *

error: hahahahahaha !!