Falam ih Covid 19 mina netabik in Damcakten Siizung suahsan

Tuizing October 28 ah Falam khuasung ih Covid 19 mina tang sun cun damcak zet in Siizung a suahsan thu theih a si.

Falam khausung ah Covid 19 mina 4 hmuhsuah a rak si ih mina hmasabik cun October 20 ah damcakten Siizung a rak suahsan zo.

October 27 zing khal ah Falam ih Covid 19 mina pathum lak ih mipahnih in damcak zetin Siizung an suahsan.

Tuizing October 28 khal ah Falam khuasung ih Covid 19 mina tang sun cun damcak zetin Siizung a suahsan zo ruangah, tufangah, Falam khuasung ah Covid 19 mina an um nawn lo a si.

Falam Siizungpi ih ṭuanvonei mipakhat cun “Falam ah Covid 19 mina 4 an rak um nan an taksa par ah nathrik a um nawn lo ruangah Siizung ihsin thlah zalen an si zo. Tufangah, Falam khuasung ah Covid 19 positive an um nawn lo ih lungawi um zet. Asinan mipi lam cun fimkhur zetih um ringring a ṭul thotho” a ti. (Yin Min Thu Zar (Falam Siibawi)

Leave a Reply

Your email address will not be published. Required fields are marked *