Falam ih Covid 19 mina cu Center lam in namhngetnak ca an suah zo

October 9 ih hmusuah mi Falam khua ih Covid 19 mina pakhat cu Center lam in October 13 zaanlam nazi 4 hrawng ah namhnetnak ca an suah fel ih Falam mipi ih ngaih ṭhalonak hmuhhmuh cu a hlo ter ṭheh zo a si.

Falam ih Covid 19 mina thuthawn pehpar in Falam siizung ṭuanvoneitu pawl in thuthannak an nei hnu ah thuthang phunphun a leng ih ramkhel bumawknak phunkhat a si ding tiah rak ruat mantu khal an um.

Malaria natnak sawn a si tikhalin thuthang a leng ruangah Falam Siibawipi Dr. Tluang Cung Thang in simfiahnak khal a nei phah thluh.

Ziangtin Covid 19 mina a si timi an thei loh li?
Myanmar ramsung ah September 29 ihsin hman thok mi Covid 19 test kit ṭha cii thawn an zoh ruangah hmuhsuah thei lohli nak san a si.

Falam Covid 19 mina hmuhsuahnak ih hmang mi Rapid Antigen Test kit cu WHO in a ṭha ciang, rinsantlak a si tiih namhnget zo mi a si.

Hih Test kit cun minute 15 ihsin nazi khuai karlak ah Covid 19 nat nei le neilo a lang ter thei a si. Ramdang khal ah rinsan zet ih hman mi a siih Rapid Antigen Test kit thawn Covid 19 mina hmuhsuah mi cu a hran ten an check sal lem nawn lo.

Leave a Reply

Your email address will not be published. Required fields are marked *