Falam ih Covid 19 mina 2 in Damcakten Siizung suahsan

Tuizing October 27 ah Falam khuasung ih Covid 19 mina 2 cu damcakten Siizung ihsin an suak zo tiah Falam Siibawipi Dr. Tluang Cung Thang in Facebook cahmai ah a tarlang.

Falam khuasung ah Covid 19 mina 4 an um zo ih mina hmaisabik cu damfelzo in October 20 zing ah Siizung ihsin thlah zalen a si zo.

Falam Siizung ih ṭuanvonei pakhat cun “Falam ih mina hmaisabik cu a taksa par ah nathrik a um nawn lo ih October 20 zing ah Siizung ihsin a suak zo. Tuzing khal ah damcak zetin mi pahnih an suak lala ih a tang lai mi mipakhat khal a dam cak zet” tiah a sim.

Falam khuasung ih Covid 19 mina hmuhsuah mi zaten mi pali an siih October 20 ih Siizung suahsan zotu mi pakhat le tuzing ih suak mipahnih thawn, Siizung suahsanzotu mi pathum an si zo ih, Tu ah, Falam khuasung ah Covid 19 mina pakhat lawng a um thlang a si.

Leave a Reply

Your email address will not be published. Required fields are marked *