Falam, Hrang Ṭhio Bualrawn Heel Ziin An Tuah Rero

Falam, Hrang Ṭhio bualrawn heel lamziin laihnak cu contact ngahtu Chinland Grace company in January 11 ihsin a ṭuan thok zo tiah theih a siih Lamziin laih hnaṭuan cu January 26 khalah an ṭuan pehzom vivo a si.

Bualrawn heel ziin cu Bualrawn thlanglam ah pee 400×12 sau kau dingin an tawlrel ih pee 500×12 sau sang cangdawl thawn 2020-2021 ramkulh Siipin budget ting 1552 cemliam ih tawlrel reromi a si.

“Tuhlan ahcun Laizo khua hlun ziin lam feh ding cun bualrawnpi tan a ṭul. Lehpannak nei rero lai a si khalle mawṭaw le cycle an feh duh cun lehpannak puai tuah lai fang a si khalle cawlhṭul lawk dinhmun a si ṭheu”.

“Atu lamziin laihmi an ṭhehsuak cun a remcang zet ding. Hrangṭhio bualrawn ah Lehpannak lole Puai pakhatkhat kan tuah khalle hnaihnokawk hran a ṭul nawn lo ding”.

“Mipi hrang khalah a hnakhat zet. Puai lole lehpannak tvk tuah lai fang ih bualrawn tan ṭul cu a hreh um zet. Lamziin an ṭhehsuak hnu cun mipi hrang khalah siseh, bualrawn hmang ṭheutu hrang khalah siseh a hnathiang thlak zet ding a si” tiah Falam tualsungum mipakhat in a sim.

Hrang Ṭhoi Bualrawn heel ziin an lai ṭhehsuak cun mipi hrang khalah siseh, Bualrawn hmangtu hrang khalah siseh a ṭangkai zetding a si.

Leave a Reply

Your email address will not be published. Required fields are marked *