Falam : Hmun 3 rori ah Chin Phunpi Ni an hmang

Kan Falam khua ih umdahkel lomi thil dangdai cu 2021, February 20 ah a thleng ta riar.

Kumdang ahcun February 20 ni ah lungkhat thinkhat in Chin Phunpi Ni kan sunloih tlang ṭheu.

Nan, tuikum cu danglam zetin Falam khuasung rori ah hmun 3 in Chin Phunpi Ni an hmang.

Hmunkhat cu Falam GAD hohanakin cozah hmin in an hmang ih zing nazi 7 in caan hman an thok. Chin Phunpi Ni cangsuak dan siarnak le thlacamnak khal an nei tel.

Falam Mino hohanak khalin voi 73nak Chin Phunpi Ni cu ralkap uknak dodal duhphorhnak in le CDM sawmaw/thapeaw nak in Hrang Ṭhio bualrawn ah ropi zetin caan an hmang.

Culai ah Falam PacangNo Pawlkom tiih tarlangmi mibur khat cun Avei(73)nak Chin PhunpiNi timi catar kengin ramtawinak thawn Chin Phunpi Ni an rak hmang ve.

Anzaten minung 15 hnakih tam an si ih ramtawi an vak nak hmun ih zuk pawl cu uangaw zetin Facebook cahmai ah an tarlang.

Nangteh Falam ih Chin Phunpi Ni hmannak hmun 3 ah khawi hmun ah na tel ve?

Leave a Reply

Your email address will not be published. Required fields are marked *