Falam-Hakha zinpi doawknak ah Hakha lam ihsin ralhraang ralkap thazangthar kuat bet

Falam-Hakha zinpi doawknak ah ralhraang ralkap bawmtuding mipum 20 hrawng cu Hakha ihsin an thlah bet ih atu ah Mipi ralkap pawl thawn an kap aw tiah thuthang kan thei.

CNA thawn naivaitu mipakhat in “Hniarlawn thar kiangah mipi ralkap pawl thawn an kapaw. Hakha ihsin ralhraang ralkap 20 hrawng an kuat ih doawknak ah ralhraang lam 4 hrawng an thi zo ti`n thuthang ka thei. Atu khal hi an kapaw lai fang a si” tiah a ti.

Falam ihsin Hakha lam pan ralhraang ralkap pawl khal Dokṭhek khua an thleng zo ih, Doawknak ah Hakha Rungtlang ihsin ralthuamtum thawn an kap bawm tiah amahcun a rel bet hrih.

Ralhraang ralkap hi Falam ihsin Hakha lam pan in July 7 ah an poksuak ih lamtluan ah Chin mipi ralkap pawl thawn nasaten an do aw. Doawknak ah ralhraang ralkap lam mithi an tam ti`n thuthang a um rualin mipi ralkap lam khalah mithi le hriam tuar an um ve.

CNA ṭuanvonei Salai Htet ni rel dan ah mipi ralkap lam ihsin mipakhat thi in hriam tuar 8 hrawng an um. Cumi sungah besia 3 hrawng an um.

Ralhraang ralkap hi thazaang 120 hrawng an si ding zum a si ih, Falam-Hakha ziinpi doawknak pawl ah ralhraang ralkap 60 lenglo an thi zo ti`n Salai Htet Ni in Mizzama hnen ah a sim. ***Zukhlun

Siarbet : Falam peng, Ramthlo doawknak ah Ralhraang ralkap tampi an thi, Mipi ralkap lam ah mithi le hriam tuar um ve

July 11, Falam peng, Ramthlo le Dokṭhek karlak doawknak ah Ralhraang ralkap 35 hrawng an thi thu, CNA spokesperson Salai Htet Ni in Mizzima hnen ah a sim.

Ramthlo ihsin Hakha lam pantu ralhraang ralkap pawl cu July 11 ah Chin ralkap ṭangrual pawl in dunghmai rorin an kap ruangah mithi an tam tiah Salai Htet Ni cun a ti.

“An riak nak hmun ihsin an pok sal ih a rak bawh ciatu Chin ralkap pawl in an kap. Khua lam pan in dung an siip sal fang ah dunglam khalin kan kap. Dung hmai in cepreek an si ih bomb puah nak in siseh, Drone vanzam thawn khal bomb kan thlak” tiah amahcun a rel.

Doawknak ah ralhraang ralkap 35 tal an thi ding tiah ruah a si ih, mipi ralkap lam ah mithi 1 um in, hriam tuar 7 an um ve. Hriam tuar lakah mipathum pawl an besia.

Ralhraang dotu hi Chin ralkap CNA, CNDF le CJDC sungtel CDF ralkap pawl an si ih, doawknak ah ralhraang ralkap ralthuam tampi an lak sak zo hlei ah mawṭaw 4 an lak sak zo ti`n thuthang kan thei.

Tuni July 12 khalah kahdonak a um thu theih a si ih, hramlak ih raltlan pawl cun Ramthlo khuasung khalah meithal puak thawm kan thei tiah an rel.

Hakha lam pantu ralhraang ralkap hi thazaang 120 hrawng an si ih, CNA spokesperson Salai Htet Ni rel vek a si le tuṭum Falam peng doawknak pawl ah ralhraang ralkap 60 lenglo an thi zo ti a si ruangah ralhraang a hrek sawhsawh lawng an tang ti`n rel theih a si.

Siarbet : Falam peng doawknak ah Chin ralkap pakhat in Ram le Miphun hrang nunnak hlan

July 11, Falam peng, Ramthlo le Dokṭhek karlak doawknak ah CDF Matupi ralkap Salai A Lawng, kum 21, in ram le miphun hrang nunnak a hlan tiah thuthang kan thei.

Ralhraang lam khalah thi le hriam tuar an tam ti a si nan ziangzat hrawng an thi ti cu boruak zirin theih fiang theih a si hrih lo. Cuhleiah mipi ralkap in ralhraang ralthuam tampi an lak sak ngah tiah thuthang a um.

Ram le Miphun hrang nunnak hlantu Paralṭha Chin Ralkap

Ralhraang ralkap hi July 10 zaan ah Ramthlo ah an riak ih an riah nak hmun ah mipi ralkap pawl in zinglam nazi 4 hrawng ah an kap.

Cuih hmun ihsin an poksuak hnu Ramthlo le Dokṭhek karlak ah Chin ralkap ṭangkop pawl thawn nasaten an kapaw ih Falam khuasung, ralhraang ralkap umnak hmun Vankuatlang ihsin ralhraang ralkap in ralthuamtum thawn an kap bawm.

Doawknak ah Chin ralkap ihsin CJDC sungtel a si mi CNA, CNDF, CDF Thantlang/Matupi/Hakha tipawl an tel.

Leave a Reply

Your email address will not be published. Required fields are marked *