Falam-Hakha ziintluan le Rihkhawdar doawknak ah Ralhraang SAC ralkap 80 luan Thi

February 27 ihsin March 7 karlak, Falam-Hakha ziintluan le Rihkhawdar ah SAC ralhraang le hriamkai ṭangrual pawl voi 18 an kapaw ih, doawknak ah ralhraang SAC ralkap 80 luan an thi thu le hriamkai ṭangrual lam in ram le miphun hrang nunnak liamtu mi 4 an um thu, CNA in March 8 ah thu an suah a si.

Ei-in phurtu SAC ralhraang mawṭawtlar cu Falam-Hakha ziintluan ah CNA, CNDF le CDF-Hakha pawl in an rak do vivo ih, voi 15 doawknak ah ralhraang 70 hrawng an thi.

CNA ihsin ralkap 3 le CNDF ihsin ralkap 1 pawl in ram le miphun hrangah nunnak an hlan ve tiah theih a si.

Cuhleiah India-Myanmar ramri, Falam peng, Rihkhawdar kiangkap ah doawknak voi 3 hrawng a suak ih kahdonak ah ralhraang SAC ralkap 8 hrawng an thi thu, CNA thusuah ah an ngan tel.

Rihkhawdar doawknak ah CNA, CNDF, PDF – Zoland, CDM – Syin le CDF – Hualngoram tipawl an tel ih mipi lamṭang hriamkai lam ah khawngaw le hriam tuar an um lo tiah theih a si.

Leave a Reply

Your email address will not be published. Required fields are marked *