Falam : Fimzirzung ih CDM teltu Cozah hnaṭuan pawl in Theihternak Capi suah

Kawl ralkap uknak buanthluk tumin CDM teltu rampi huap cozah hnaṭuan miralṭha ṭhenkhat cun CDM ih an tel naksan pawl cu cozah le mipi theih dingin an tarlang ih Falam Fimzirzung ih CDM teltu Cozah hnaṭuan miralṭha pawl khalin hna bansan le hnaṭuan peihlo ruangih hna an cawl mi siloin ralkap uknak hnuai ih hnaṭuan an duhlo ruangah CDM ih an tel mi a si thu theihternak Capi an suah a si.

Kawl ca thawn suahmi theihternak Capi cu ṭhenthum in tarlang a si ih a sangsangten Falam ṭong in kan run tarlang sal a si.

Falam Fimzirzung ih hnaṭuan keimah cun a tanglam bangtukin theihternak ka nei duh a si.

1. Falam, Cozah Fimzirzung ih hna ka ṭuan sungah rampi cozah hnaṭuan pawl ih thlun dingmi daan siseh, tlunlam ih thupekmi pawl khal siseh famkim zetin ka thlun/tuah thluh ih ramkhel ziang party thawn hman hnuaihnihawknak ka nei lo.

2. Rampi thuneihnak latu ralkap uknak hnuai ih hnaṭuan ka duhlo ruangah 8/2/2021 ihsin Civil Disobedience Movement ah ka tel thok zo tikhal theihternak ka suah duh bet a si. Hnaṭuan bansan siloin mipi hrang ih hnaṭuantu dinhmun in remdai zetin duhphorhnak ka nei mi a si.

3. Rampi thuneihnak latu ralkap cozah in mipi duh hrilmi cozah dik hnen ih thuneihnak a up hlan tiang hnaṭuan loin CDM ah ka tel ding ti`n theihternak ka nei a si.

Hminsin
(1) Party ramkhel cangvaihnak a si lo.
(2) Ka hnaṭuannak hi ka u pat upat hlei ah ka duh zet a si.
(3) Tlunlam bawiupa ziangsiarlo ruangih tuah hrimmi a si lo.

Falam Fimzirzung ih CDM tel pawl cu
1. Daw Ngun Pen
2. U Biak Sang
3. U Lal Ro Thang
4. U Ngun Lian Mang
5. U Lal Lawm Pui
6. Daw Thian Nei Sung
7. Daw Than Kip Ṭial
8. Daw Hniang Tin Mawi
9. Daw Zing Par
10. Daw Lal Rem Siam
11. Daw Saw Hlawn Rem
12. U San Khup Mang
13. Daw Lal Nun Kim
14. Daw Lal Nun Siang
15. U Thawm Nei Mang

Leave a Reply

Your email address will not be published. Required fields are marked *