Falam, Economic Bank ih hnaṭuan ṭhenkhat cu a thup thiarin Zung an kaai`

Falam mipi in ralkap uknak do in a phunphun in duhphorhnak an nei rero lai ah Cinmual veng, Economic bank ih hnaṭuan ṭhenkhat cu CDM ah tel duh loin a thupthair in zung an kai thotho tiah FOM in thuthang kan dong.

“Cozah ta a simi economic bank hmai ah zung hnaṭuan pawl CDM ah telve dingih nornak ah voihnih ka tel zo.”

“February 19 ah an zung hmai rori ah kan va to hnawh. Tuizing “22222” cangvaih ni khalah kan va to hnawh lala. Bank ih hnaṭuan ṭhenkhat cu an ning zak deuh siding, an zung hmai ih mipi kan pung tam hlan ah zung an rak kai man zo. Ziang ruahnak sipei an nei tikhal ka theithiam nawnlo” tiah hmin tarlang duhlotu mipakhat in FOM hnen ah a sim.

Falam cozah hnaṭuan ṭhenkhat cun an pum cawmnak rori thaap in CDM ah an tel ih ralkap cozah ukhruainak dodal in mipi lam ah ṭangin duhphorhnak an nei ve.

Falam ih Economic bank khalah CDM ih telvetu cu an um ih February 11 ih tarlangmi vek a si le mah pumcawmnak hnaṭuan thaaptu Economic bank ih hnaṭuan minung 11 an um.

Cupawl cu U Duh Hre, Daw Ngun Hnem Sung, Daw Iris Iang, Daw Khin Khin, Daw Naomi Lal Lian Par, Daw Ni Hluan, Daw Run Dai Mawi, Daw Run Em Mawi, U Ngun Sui Sang, Daw Lian Za Sung, Daw Ngun Khin Cer pawl an si. (Hmin ngan sualmi um pang le in theithiam hram dingin zangfah kan lo dil)

Leave a Reply

Your email address will not be published. Required fields are marked *

error: hahahahahaha !!