Falam Cozah hnaṭuan ṭhenkhat teh Thianglawr an hngak maw si? – Mipi Auaw

Ralkap uknak hlontum duhphorhnak/CDM nei in Chin ramkulh Penguk zung ṭhenkhat cun cangvaihnak an nei thok rero nan Falam Penguk zung (GAD – General Administration Department) a cangvai thei velo ruangah mipi lam in nasaten an soisel a si.

Myanmar ralkap in February 1 zing i rampi cozah thuneihnak a lak hnu ah rampumhuap pengṭhen cozah zung tamzet cun CDM (Civil Disobedience Movement) cangvaihnak an nei thok ih CDM tuah velo cozah hnaṭuan tamzet cu cangvaihnak nei thok ve dingin mipi lam in nasaten forhfialnak an nei.

“Kan theih sun ah saklam Laitlang ihsin Tedim, Tonzang le Hakha အထွေထွေအုပ်ချုပ်​ရေး ဦးစီးဌာန (GAD) pawl in Civil Disobedience Movement an nei thok zo.”

“Ralkap uknak hlonhlo thei dingin mipi i lamzawh duhphorhnak kan nei rero mi hnakin cozah zung pawl in CDM an nei mi hi a hmual a na deuh. Cucu mizapi theih mi si cingin kan nih Falam Cozah hnaṭuan tamzet cun theilo vekin dung in tun men.”

“Falam hi hivek cangvaihnak ah tawzangbik kan si ṭheu nan tucu tawritbik dinhmun vekah kan um. Mikhua miram hmai ah a zah thlak zet tin ka ruat” tiah hminphuang duhlo mipakhat in FOM hnen ah a sim.

Falam ih Cozah zung hnaṭuan CDM tuah duhlo thuthawn pehpar in mipi lam i vuihramnak FB ah hmuh ding a tamzet. Abikin February 10 ih Saklam Laitlang khua 3 GAD zungin CDM an nei thok hnu ah soiselnak hmuh ding a tam ih CDM tuahvetu Falam cozah hnaṭuan mipakhat cun “Mandalay tla cu ramṭhenhuap cozah hnaṭuan zaten CDM an tuah thluh. Kan nih teh Thianglawr an hngak maw si?” a ti.

Leave a Reply

Your email address will not be published. Required fields are marked *