Falam CNLD mino Cangvaihnak Nei

6 September 2020 ih CNLD mino OB thurel catnak vekin Falam CNLD mino pawl cun tuisun 12 Sept 2020 ah Falam khuasung hmun ṭhenkhat pawl ah hnawmbal sar nak an nei.

Zinglam nazi 8 ihsin an ṭuan thok ih sunpadir nazi 12 tiang, Falam, Pathang khaan phungkitlawng in Cinmual Viewpoint tiang, lamziin kiangkap hnawmbal sar nak an nei.

Hih thuthawn pehpar in CNLD mino cangvaihnak ih telvetu mi pakhat cun, “nikhua tla a ṭha, Falam CNLD mino pawk theisun zaten kan ṭuan tlang ih kan lungrual dan vun zoh ah hin hna a ngam zet.”

“Kan miphun tidam theituding CNLD dinpi in hivek cangvaihnak ih ka tel thei ruangah ka uangaw zet. Falam mipi khal in tha in pek zet” tiah FOM hnen ah a sim.

Hih cangvaihnak hrangah Pa Peng Bawi (Cherry Land) in ks. 30000, Pu Za Duh te innsang in ks. 100000 an hlu ih Pu No Than Kap in Suncaw (Buh Kio) a tum sak a si.

zuk:CNLD Falam Township

Leave a Reply

Your email address will not be published. Required fields are marked *