Falam : CNDF, PDF le CDF ṭangrual in SAC ralhraang an do nakah Ralhraang lam mithi an tam

Chin National Organization cun a ralkap CNDF le mipihumtu ralkapbu dangdang thawn Falam peng sung le Lairawn lam ih ralhraang an do nak thu pawl cu August 18 ah tlangthannak an nei.

July 1 ah Falam peng sung ih PDF (Kalay) thawn SAC ralhraang an do nakah ralhraang lam 4 an thi mi thu siseh, July 21 ihsin thok Falam-Hakha lamziinpi ih pengdang CDF thawn SAC ralhraang an do ṭum ah ralhraang 15 hrawng an thi mi thu siseh, Lairawn le Kalay peng thlanglam ih PDF (Kalay) thawn ralhraang an do nak thu pawl cu Chin National Organization in a hnuailam bangtukin thusuahnak an nei a si.

Doawknak thu pawl

1. 2021 July ni (1) ah SAC Ralkap pawl in Chin Ramkulh, Falam Peng sungah Hriamhreipi pawl thawn an kapih, CNDF le a ṭuanpi PDF (Kalay) kom-aw in, mah le mah kilhim-awknak ah kan rak kap ih SAC Ralkap lam ihsin mi (4) an thi a si.

2. July ni (21) ihsin ni (29) tiang ni ?? sung, Falam-Hakha lamzinpi parah SAC Ralkap pawl in Hriamhreipi le hriamhrei dangdang pawl thawn nasa takin an kap ih, CNDF le kan ṭuanpi Pengdang CDF pawl thawn komaw in, mah le mah kilhimawknak ah kan rak kap ih SAC Ralkap lam ihsin mi (15) kiangkap thi in, mi (20) leng hriamhma an ngah.

3. Kan Lairawn ah, July thla sungih Do-Nwe kahawknak le August thla sungih Kalay peng thlanglam kah-awknak pawl ah kan ṭuanpi PDF (Kalay) le CNDF kom-aw in kan kap tlang a si.

4. August ni (1) ihsin ni (15) sungah Falam peng sungih Falam-Hakha lamzinpi ah SAC Ralkap pawl in Hriamhreipi le hriamhrei dangdang thawn an kap salih, CNDF le Pengdang CDF pawl komaw in kan rak kapih, SAC Ralkap mi (20) hrawng an thi ding tiah zum a siih, mi (10) luan hriamhma an ngah. Cui’ kahawknak ah Drone pakhat kan kap thla a si.

Tui ṭum kah-awknak pawl ah CNDF le kan ṭuanpi: PDF (Kalay) le Pengdang CDF ihsin hriamhma ngah zohman kan um lo.

Hminsin : zuk remcang hman men mi a si.

Leave a Reply

Your email address will not be published. Required fields are marked *