FALAM : Bungbel Khukheng tal ruangah Hringhro tuar

Mipi duhhrilmi ziangah siarloin Myanmar rampi thuneihnak cuhtu ralkap dokalhnak cu Falam khuapi khalah an nei nan khukheng bungbel darkheng tal ruangih hringhro tongtu an um tiah theih a si.

Ralkap in rampi thuneihnak alak hnu ah mipi lam in dokalhnak a phunphun thawn cangvaihnak an nei ih khukheng bungbel tal ciamco in duhphorhnak an nei mi zaan thum a kim thlang.

Chinram khua ṭhenkhat khalah ralkap cozah dokalh duhphorh khukheng bungbel tal ciamconak cu February 4 zaan in an nei ve ih, zaankhat an ṭan thoknak rori ah palik lam in mi an hringhro ciamam tiah Falam khuasung um mipakhat cun a sim.

Amah cun “Kan thinharnak le kan tuarnak  hmuahhmuah cu bungbeltalnak thawn kan ti lang. Culai takah palikin in hro ciamco. Nan tal bet le kan lo kai ding in ti.”

“In capoh maw! Zu an ri ruangah maw tikhal ka thei lo. Tuvek boruak lai thawn thinphang phah deuh in kan um. Asinan in kai ding ceng a si cun kaihkhih cawk khal kan si ziklo” a ti.

Ralkap in rampi thuneihnak a cuh hnu ah Falam lam boruak khal a thlengaw phah zet tiah theih a si. February 1 i ralkap in thuneihnak a lak hnu khalah “hmaizarh ihsin ningzak thlakzet phorhsuakawknak kan nei ṭan ding” tiah Falam *** party in Facebook cahmai ah a tarlang a si.

Leave a Reply

Your email address will not be published. Required fields are marked *