Falam ah Thuthang dik lo a leng

Ralhraang ralkap pawl Kawlrawn ihsin Chin ram lam an kaiso hnu ah Falam peng cunah khanah doawknak a um ding tivekin thulengvak a um ruangah Falam Regional Committee in a hnuilam bangtukin mipi theihternak an nei.

Thinphan dai lo, ṭihphannak in in kulh rero lai fangah thu dik lo, thu lengvak, a dikmi thu a si tiih nemhnget thei lomi thuhla pawl hi pakhat le pakhat sim thanaw ding kan si lo. A dik rori mi thuhla a si kan ti lawng ah kan thanawk le a ṭha.

Cun, kan milai pawl khuasung an ra tlawng caan ah hinu/hipa hi kan milai a si ti kan thei sile a ra tlung duakmi kha mi simsawng ciamco lo in kan hmuhnak ah kan bawm theitawk bawmhnak pek sawn ding kan si. Kan ka a daak tuk ruangah tong ṭul lomi harsatnak mipi sung lala in kan tong phah ringring kha.

Atu fang Falam khuasung ah thulengvak tawkfang a um ih cuih sungih kahawknak a um ding ti vek thu khal thu lengvak men a si. Khuasung mipi kan ralrin cia a ṭul ding a si ahcun CNO lam khal in thu thannak an nei leh ding a si.

Falam Regional Committee
02/07/2022

Leave a Reply

Your email address will not be published. Required fields are marked *