Falam ah Thu phunthum au phah in Lamzawh duhphorhnak an nei

Falam ah alangte`n lamzawh duhphorhnak an cawl hnu a ninga nakah ralkham pawl keng phah in Falam mipi in lamzawh duhphorhnak an nei thok sal tiah theih a si.

Cinmual, OPD hmai in an ṭan thok ih CDM ih tel hrih lo nornak, Duhphorh lamzawh ruangih kaihkhih tuar mipathum luatter dingin le ralkap uknak an duhlo thu pawl au phah in lamzawh duhphorhnak an nei.

Falam mino pakhat cun “Falam palik pawl in February 28 ih mithlitlak bomb thawn in kap hnu in duhphorhnak kan cawl lawk. Cawl kan ti tikah cawl menmen siloin mipi humhim thei danding tawlrelnak kan nei.”

“Pastor le Falam Ministers khalin in telpi thei. Tuṭum duhphorhnak ih kan au bik cu February 28 ih kaihkhih tuar mipathum thlah zalen ding, Cozah hnaṭuan pawl cawl ṭheh in CDM ah tel thok dingin le ralkap uknak kan duhlo tvk pawl a si” a ti.

March 6 khalah Falam mipi in lamzawh duhphorhnak nei pehzom an tum tiah theih a si ih sun nazi 1 ah Hrang Ṭhio bualrawn ah tongaw in thuthannak an nei a si.

Leave a Reply

Your email address will not be published. Required fields are marked *