Falam ah Thli/Ruahkham Bualrawn sak tum a si ih Khawi Hmun ah sak sehla ṭha ding

Falam ah ruahkham thilkham bualrawn (Indoor Stadium) sak dingin Cozahpi in ting 2500 a pe ih khuitawk hmun ah kan sak ding timi thusutnak a um.

Mitamsawn cun Cinmual bualrawn an hahoi ih Hrang Ṭhio bualrawn le Canmari ih sakduhtu khal an um. Ruahnak phunphun a suak ih ‘Hrang Ṭhio bualrawn cu thlanhripeih in thirfei le phaihlai thawn rak laitu suansakupatnak ah a mah pahpah teih ret men ding titu khal an um.

Hih thuthawn pehpar in Pu Ngun Thawng cun “Tuikum ah (indoor stadium) မုိးလုံေလလုံ lehnak innpi Falam i sak dingin cozah in ting 2500 a pe i khui ah kan sak ding timi ruah asi.

Mitamsawn ruahnak ahcu Cinmual bualrawn a remcangbik ti asi. Hrang Ṭhio bualrawn le Zapih kuin (Canmari Bualrawn) kan nei ko sisi a hmun location a thupi anti.

Mimal cun hi bualrawn hi hlanlai ah kut rori in thirfei le phaihlai ih kan rak laihmi asi ruangah amahkel tein um seh ti ruahnak an nei” tiah Facebook cahmai ah a tarlang.

Pu Ngun Thawng canganmi thawn pehpar in hmuhdan phunphun phorhsuaktu an um ih mipakhat cun “Cinmual bualrawn ah si seh la sport complex phun in kan tuah thei leh ding. Furpi sung ah inn sung futsal ah an lek thei thotho ding” tiah comment a ngan.

“Cinmual bualrawn ah, futsal ground, tennis court, le basket ball court tivek tuah khawm sehla ka lungkim. Atlun ih comment nganmi bangin sport complex hi ṭha ka ti. Pu le pa pawl ih kut rori ih an laihmi parah santhar lehnak thatha kan din lawngah an rak pumpek awknak man a nei ding”

“Cinmual bualrawn ah, futsal ground, tennis court, le basket ball court tivek tuah khawm sehla ka lungkim. Atlun ih comment nganmi bangin sport complex hi ṭha ka ti. Pu le pa pawl ih kut rori ih an laihmi parah santhar lehnak thatha kan din lawngah an rak pumpek awknak man a nei ding” ti`n mipakhat in comment a ngan ih mipakhat khalin “Cinmual bualrawn ah Tennis court le futsal ground mawi le rem zetin tuah sehla, tu ih Tennis court ah khin Sport complex (Basketball, Volley ball, Badminton tvk)ah mawi vengveng in sak sehla a ṭha ding ti’n kei cun ka ruat.

Tu ih Sport Complex hlun gate/a lut nak cepther tuk khi space kau deuh in tuah sehla hmailam tual tlan len nak Motor parking kau deuh ah a cáng ding…!” a ti.

Cinmual bualrawn ah Tennis court le futsal ground mawi le rem zetin tuah sehla, tu ih Tennis court ah khin Sport complex (Basketball, Volley ball, Badminton tvk)ah mawi vengveng in sak sehla a ṭha ding ti’n kei cun ka ruat. Tu ih Sport Complex hlun gate/a lut nak cepther tuk khi space kau deuh in tuah sehla hmailam tual tlan len nak Motor parking kau deuh ah a cáng ding…!

Nangteh khawihmun ah tuah thei sehla a rem na ti ……….

Leave a Reply

Your email address will not be published. Required fields are marked *