Falam ah Mirang ṭong hmangin Worship Service nei thok tum sal

Pathian thangṭhatnak caan ṭha hmang tlang thei dingin le Falam mipi mirang ṭong thiam sin theinak dingah ti`n FBC biakinnpi ah zarhpi tinten mirang ṭong hmangin khawmnak an nei tum thlang tiah theih a si.

Worship Service English Committee an din zo ih May 14 ah voi 3nak meeting an nei zo.

Committee sungtel pakhat cun “tu hlan ah mirang ṭong hmangin Pathian thangṭhatnak neih ṭheu a rak si nan, colhsannak kum 10 luan a si zo”.

“Atu ah ṭan thei saal beisei a si ih, tumtahbik cu Pathian thangthat ding le Falam khawmi pawl mirang ṭong thiam sinnak dingah a si. Zarhpi ni zaanlam nazi 3 ah caan hman a si ding” tiah a ti.

May 22 ah hmaisabik khawmnak neih ding a si ih sermon tu dingah Rev.Dr.Law Ha Ling sawm tum in, thu dang simtu ah Dr. Sui Aye Thang caan an pe ti`n thuthang kan thei.

Biakkhawmnak cu Falam FBC programme in fehpi a si nan Falam mipi zate hrangah tawlrelmi a si.

Leave a Reply

Your email address will not be published. Required fields are marked *