Falam ah Lehpanpuai an tuah tum cu mipi hmuh dan hmun 2 in a ṭhekaw

April thla sungah Falam Chin Calai Le Nunphung Pawlkom hmin in Falam ah Lehpannak puai an tuah tum cu mipi rel an hlawh zet.

Rampi a buai ih nunnak thapin ralhraang dotu an um lai ah Calai le Nunphung hmin hmangin Lehpannak lamlam tuah tum cu thil dik a si zik lo titu an um ih, Kan khua kan ram ah Pulhnat a thar in a thok saal nak men a si pang pei maw ti`n miṭhen in tha an pe lo.

Curualin thilṭha a si ko. Thinhar laifang a si ih mipi hrang thawpi suahnak ziinkong pakhat a si. Kan mipi an hahdam theinak ding hrang a si cun thin thiang ten tuah ding a si ko titu an um.

Falam Chin Calai Le Nunphung Pawlkom in “Hngilh Theih Lomi Lai Phun Ni” timi thulu thawn lawmman tawkmawi pekin cahram ngan zuamnak a um ding thu, March thlacem ah an phuang ih, April thla thok khalah Chin nunphung zuksuai zuamawknak an rak tuah zo.

April thla sung tuah dingmi zuamawknak pawl ah Volleyball, Tennis, Table tennis, Badminton, Golf, Futsal le Hlasak zuamnak tipawl a tel ti`n kan thei.

Zuamawknak tuah ding mi thapetu le duhlotu an um mi thu thawn pehpar in tualsungum mipakhat cun “duhsakawknak a na ruangah a si bik. Atufang kan ram boruak thawn a mil aw lo titu pawl khal an mawh lo. Mipi Lungongnak hrangah a ṭha a titu khal an dik thotho ih, kan theithiamawton ding hi a thupibik” a ti.

Leave a Reply

Your email address will not be published. Required fields are marked *