Falam ah Futsal Hramhring Bualrawn Tuah Suak

Falam tualsung mino 3 kom aw in Tlanglo veng ah Buannel Futsal bualrawn tuahsuak a siih August 9 ah thlacamnak thawn onpuai an tuah tiah theih a si.

Buannel Futsal bualrawn cu Salai Siang Cung Luai, Salai Biak Lian Sang le Salai Robinson Baite pawl in sumpai thawhkhawm in an tuah mi a siih Falam hrangah a hmaisabik FUTSAL bualrawn kan nei mi a si.

Tlanglo (Lampa) veng ih Salai Siang Cung Luai pa tei` hmuan ah hramhring mawi zet thawn an tuah mi a siih pi 65 kau in pi 130 a sau.

Bulpak sumpai thawhkhawm ih tuah mi a si vekin bualrawn hman man lak a si ding ih Lek man pawl cu Tlawngkai nikhat ihsin Ninga tiang, zinglam nazi 7 ihsin zaanlam 3 ah 15000/- kyat, zarhte, zarhpi le zaanlam nazi 3 hnu ah 20000/- ti`n a hmang duhtu hrang ah Lek man lak ding a si.

Bualrawn cu thiangfai zet ih rettum a si ih a sungah kuva, cekcek, neciasih ei le Zu in an kham ih bualrawn sungah Canvas boot le Futsal leknak boot hruk fekfek ding in daan an tuah tiah CH daily news in a tarlang.

zuk: J-Crown

Leave a Reply

Your email address will not be published. Required fields are marked *