Falam ah Dat-Laih nak in Mi Pakhat A Thi
Telephone ṭhuam phun hnaṭuantu Pa Lian Sang (kum 35) cu July 30 zaanlam nazi 5 hrawng ah electric hridai tham ngah ruangah Dat Laih in a thi tiah theih a si.
Meithat zung kiangih telephone ṭhuam pakhat an tawlrel rero lai ah electric hridai tham ngah in a thimi a si.
Vansiat tongtu Pa Lian Sang thu thawn pehpar in Falam telephone zungbawi Nu Sen Kai cun, “kanmah zung hnaṭuantu cu a si lo. Ṭhuam pawl phun dingin hnaṭuan dingih Falam a thlengmi a si. Siizung ah ruakhlainak an tuah hnu in an khua lam ah an phur tlung” tiah a sim.
Pa Lian Sang cu Thantlang peng, Lungdin khuami a siih faate 3 nei mi a si.
CH daily news
