Falam ah Covid mina pakhat thi bet, Natnei thar 26 hmu bet

June 25, 2021 (tui’ zaanlam) nazi 4:30 hrawngah Pu John Ral Za Lian Kulh (kum 60) in siizung ah in cem san ih nazi 6:30 ah Laampa thlanmual ah vuiliam cih a si zo.

June 25 (tuni) ah Falam Siizungpi OPD ih COVID-19 Nat Zohfelnak ah mi 21 sungah mi 11 in Nat an nei ti’n an hmu ih Rihkhawdar siizung ah mi 86 zohfelmi ah mi 15 hnen ah Nat an hmu a si. Penghuap in nat nei thar 26 an hmu.

May 20, 2021 ihsin June 15, 2021 tiangih Falam siizungpi ah Nat zohfelmi 507 sungah mi 183 an positive zo, Rihkhawdar ih mi 1363 check mi ah mi 196 an positive ih Khawpual ah mi 21 an check mi ah mi 7 an positive a si.

Curuangah May 20 ihsin June 25 tiang Falam peng huap COVID-19 Nat check mi 1891 sungah positive 384 an hmu ih mi 11 an thi zo a si.

COVID-19 ruangih Falam peng sungah a thimi pawl cu:
– June 2 ah Pi Zing Rem Thluai (Kum 53),
– June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81),
– June 13 ah Pu Sui Ceu (Kum 67),
– June 16 ah Mai Lal Muan Kim (Kum 27) le
– June 18 ah Pi Za Nawn Kai (Kum 79)
– June 19 ah Pastor Thang Hre Mang (kum 33)
– June 21 ah Pi Lun Khaw Niang (kum 76)
– June 22 ah Salai Lal Than Eng (kum 25)
– June 24 ah Pu Cung Lian (kum 66)
– June 25 ah Pu John Ral Za Lian Kulh (kum 60) pawl an siih Falam khuasung ihsin mi 9, Falam pengsung ihsin mi 11 an thi zo tiah theih a si.

(FCM)

Leave a Reply

Your email address will not be published. Required fields are marked *