Falam ah Covid Dokhamdan level 1 an ṭhan

Falam Covid boruak ah khuatlang mipi hrangah cangvaihnak phunphun neitu Falam Volunteers pawlkom cun nat karh dem dingin Stay at home caankhiah sungah ei-in, Siivai tvk mipi lam ih ṭulsammi hmuahhmuah cu a cahtu inn rori ah Delivery an tuah tum thlang thu an phuang a si.

Falam Volunteer pawl in thil kan lo lei sak thei

“Falam khuasung ih umtu innsang pawl leengsuak țul loin ei-in thilri le siivai pawl cu Falam Volunteers Delivery Group pawl hnen ah cah a theih ih nan inn ah kan lo pek thei thlang ding a si.

July 19, 2021 (Tlawngkai Nikhat) ihsin kharhkhum awk tikcu cem hlan tiang zinglam nazi 9 :00 ihsin 11:00 karlak, Tlawngkai Nikhat, Nithum le Ninga pawl ah a tanglam ih hmin le phone ah biak in mah duhmi pawl cu cah theih ringring a si ding. Lei termi thil man cu Volunteer pawl nan inn an thlen zawngah pek cih ding a si.

Volunteer pawl khal tu le tu leengsuak a remcang lo ruangah mai’ innsang țulmi thil pawl cu ni thumli hrang cazin tuah in cah thei dingah timlam dingin kan lo sawm duh a si.”

Pehtlaihnak:
Salai Piang Piang (Main)09-421094783
Salai Pu Nok (09-255333011)
Salai Aa Lian (09-459517411)
Mai Za Za (09-404014467)

Leave a Reply

Your email address will not be published. Required fields are marked *