Falam ah Covid 19 Vaccine thleng fel zo

Myanmar ram huap in dawt dingmi Covid 19 vaccine (Covidsheild) cu Falam khal ah a thleng felzo tiah theih a si.

Harhdamnak lam hnaṭuan pawl dawt dingmi Covidsheild dawh 500 cu Falam Siibawipi pahnih in January 25 ah Kalaymyo ta an vung phur so zo a si.

Covidsheild cu India ramsuak a si ih January 27 in Myanmar rampi huap in an dawt thok ding.

Falam Siibawipi Dr. Tluang Cung Thang cun “atu tiangih tlunlam thupek a rami cu harhdam zung hnaṭuantu pawl hrangah ti a si ih ṭaing-yin sii lam hnaṭuantu pawl, NTS le nah-ṭah-lah tivek tlawng lam le volunteer ṭuantu pawl ih hmin khal in laak ter cia”.

“Asinan harhdam zung hnaṭuan pawl lawng dawt hmaisa ding ti a siih thupek dang a ra daan ih zirin kan dawt tum” tiah a asim.

Falam harhdam zung ah mipi damnak le tuamhlawmnak ti`n department pahnih a um. Mipi damnak department ah hnaṭuantu 280, nat tuamhlawmnak ah hnaṭuantu 134, zatekom mipum 424 an um tiah Chinland Herald Daily News in a tarlang.

Leave a Reply

Your email address will not be published. Required fields are marked *