Falam ah Covid – 19 nat nei thar hmubet

Falam : May 20 ih Covid – 19 nat nei 4 an hmu hnu, May 21 ah nat nei thar 2 an hmu bet ih atufang Falam khuasung ah Covid 19 nat nei 6 an um tiah thuthang kan dong.

Mina thar 2 cu May 20 ih hmuhsuahmi nat nei thawn hnuaihnihawknak neitu an siih rinhleh mina dinhmun in zohfelnak an nei hnu ah nat an nei mi hmuhsuah a si.

“May 20 ih mina cu Siizung quarters ih um pawl an si. Natkham sii rak dawt cia an si nan tlangrai vekin dam loin an um ruangah test kit thawn an zoh ciang cu COVID-19 nat an nei mi an hmusuak”.

“Atuih mina thar pahnih khal nat nei cia thawn pehparmi an si ih rinhleh mina dinghmun in an test tikah Covid nat an rak nei” tiah tualsungum mipakhat in a sim ih “rinhleh deuh mi 10 luan an um lai” a ti.

Covid 19 khamsii dawt cingin nat kai sal an um ruangah atui` hmuhsuah thar nathrik hi nat pianhmang thlengawmi siding zum a um.

Curuangah mibur umnak hril ding, kut kholh cingcing dingin le suakvak tikah mask bun ringring dingin khuasung mipi forhfialnak an nei.

Leave a Reply

Your email address will not be published. Required fields are marked *