Falam ah Covid 19 Nat Kham Sii An Dawt Thok Zo

Myanmar ramhuap Covid nat dokhamsii dawtnak cu January 27 ah nei thok a si ih Falam khuapi khal ah January 27, zinglam nazi 7.30 luan hrawngin siidawtnak an nei thok ve tiah theih a si.

Myanmar ram ih tlangzarh thokmi Covid 19 dokhamsii Covidsheid cu India cozah in Myanmar ram hrang dose ting 10 luan a laksawng mi a si ih kan ram ah January 22 ah a thleng mi a si.

Rampi harhdamzung thusuak vekin Falam khalah harhdamzung ih hnaṭuan pawl an dawt hmaisabik ih Sii dawt nakih telve *** cun “Zinglam nazi 7 luan hrawngin siidawt an thok. Rampi harhdamzung thusuak vekin hmaisabik dawtmi lakah ka tel ve.”

“Sii thawn pehparin thuthang phunphun a leng nan thiamsang pawl in a him an ti tikah ṭhukṭhunnak neiloin ka dawt ve mei. Tuhrihtiang cu side effect zianghman a lang hrih lo. Vaccine dawt tikih an tuar ṭheu mi luna,taksa tvk a suak leh khal si thei” tiah FOM hnen ah asim.

Falam harhdamzung thawn pehparmi hnaṭuan mipum 400 luan an um tiah theih a si ih cumi lakih Covid dokhamsii dawt zo pawl cu ni 28 hnu ah dose hnihnak an dawt pehzom leh ding ti`n thuthang kan dong a si.

zuk : Khar Te

Leave a Reply

Your email address will not be published. Required fields are marked *