Falam ah Covid 19 mina thar Pakhat an hmu

Covid 19 nat nei thawn motor rak to tlang dah tu mipakhat taksa par ah February 15 ah nat hrik an hmusuak ve thu theih a si.

Amah cu kum 30 mi mipa a siih tuzarh tir lam ah Covid nat nei thawn mawṭaw an rak totlang dah. Nat nei kiang ih rak um dah a si vekin January 12 ah Covid nat checknak an nei nan nat an hmu lo.

Inn lam ah Home Quarantine an nei ter ih January 14 ni in Covid nat painhmang a si mi taksa na, luna tvk in nuamsam loin a um ruangah January 15 ah nat check nak an nei sal tikah nat a nei ti an hmusuak a si.

Hih thuthawn pehpar in Falam tualsung um mipakhat cun “mina thar cu case number 131435 thawn mawṭaw an rak totlang dah. Case number 131435 an hmusuak ni ah nat check nak ṭumkhat an rak nei zo nan nat an hmu lo. Mizaan hrawng khan Covid nat pianhmang vekin nuamsam loin a um ruangah nat check nak an nei betih tuizing ah nat a nei timi an hmusuak a si” a ti”.

Covid mina thar cu a taksa par ah nat hmuhsuah a si ve ten Falam siizungpi Isolation Ward ah zohkhen dingin an kuat cih a si.

Hram – IPRD

Leave a Reply

Your email address will not be published. Required fields are marked *

error: hahahahahaha !!