Falam ah Covid 19 mina thar pakhat hmuhsuah bet a si

November 14, Falam, Sun Ceu Khan luan ih Harhdamnak Checknak gate ah Covid 19 mina thar pakhat hmuhsuah a si thu theih a si.

Amah hi Tedim, Khuate ih um a si ih hnaṭuan thu thawn pehpar in a umnak ihsin Hakha lam pan ih feh tum a si.

Hih thuthawn pehpar in tualsung um mipakhat cun, “Covid 19 boruak a si vek in Falam khua luttum hmuahhmuah cu Harhdamnak Check gate in Covid 19 nat an nei maw nei lo check ringring an si.”

“Zaanlam nazi 5 hrawng ah Tedim ihsin Hakha lam pan mipakhat cu natnak an test tikah a positive mi hmuhsuah a si ih Siizung lam ah tuamhlawm dingin an kuat cih” ti`n FOM hnen ah a sim.

Kan dung November 9 khal ah Kalay ihsin Falam lam pan ih Kuak zuar tum mipakhat hnen ah Covid 19 nat nak an hmusuak zo ih, tufang ah Falam Siizung ah Covid 19 mina 2 an um a si.

Leave a Reply

Your email address will not be published. Required fields are marked *

error: hahahahahaha !!